Respublikamizda xorijiy kapital ishtirokida yana 433 ta korxona ro'yxatga olindi

Davlat statistika qo'mitasi xabariga ko'ra 2014 yilning yanvar-dekabr oylarida respublikamizda xorijiy kapital ishtirokida yangi korxonalar ro'yxatga olindi. Xorijiy kapital ishtirokida qayta tashkil qilingan korxonalarning aksariyati, ya'ni 297 tasi Toshkent shahriga to'g'ri keladi. Toshkent viloyatida 39 ta, Farg'onada 23 ta, Samarqand va Jizzax viloyatlarida 16 tadan, Sirdaryoda 8 ta, Navoiy, Namangan va Surxondaryo viloyatlarida esa 7 ta korxona ro'yxatga olingan. Ulardan 110 tasi Xitoy Xalq Respublikasi, 69 tasi Rossiya Federatsiyasi, 42 tasi – Buyuk Britaniya, 36 tasi Koreya, 29 tasi Turkiya, 16 tasi Hindiston va yana shunchasi Qozog'iston davlatlari bilan hamkorlik mahsulidir. Xorijiy kapital ishtirokida qayta tashkil qilingan korxonalarning 219 tasi sanoat tarmog'ida, 100 tasi savdo va umumiy ovqatlanish sohasida, 18 tasi qurilish tarmog'ida, 16 tasi qishloq xo'jaligida, 11 tasi transport va aloqa sohasida, 46 tasi boshqa ishlab chiqarish tarmoqlarida, 19 tasi esa sog'liqni saqlash, jismoniy tarbiya va sport sohalarida faoliyat yuritadi. 2015 yilning 1 yanvar holatiga ko'ra, xorijiy kapital ishtirokidagi ro'yxatga olingan korxonalarning umumiy soni 4 ming 883 taga yetdi.

UzReport