O'zbekiston Respublikasi Tashqi iqtisodiy faoliyat milliy bankining tadbirkorlik sohasini rivojidagi o'rni
Keyingi yillarda mamlakatimiz iqtisodiyotida barqaror o'sish sur'atlari ta'minlanmoqda. Yurtimizda amalga oshirilayotgan iqtisodiy islohotlar samarasida mamlakatimizda tadbirkorlik sub'ektlari soni yildan-yilga ortib bormoqda. Bu borada o'zining mehnati va hissasini qo'shib kelayotgan O'zbekiston Respublikasi Tashqi iqtisodiy faoliyat milliy bankining ham o'rni katta. Xususan, Milliy bankning har bir jabhada yetakchilikni qo'ldan bermay kelayotganligini birgina sanoat sohasida ham ko'rishimiz mumkin.
Shisha mahsulotlaridan kundalik hayotimizda tez-tez foydalanib turamiz. Ayniqsa iste'moldagi oziq-ovqat mahsulotlaridan to parfyumeriya mahsulotlarigacha ko'p marotabalik foydalansa bo'ladigan shisha bankachalarda o'zining sifatini saqlagan holda iste'molga yo'naltiriladi.
Toshkent shahar, Sergili tumanida joylashgan ishlab chiqarish xududida o'z faoliyatini olib borayotgan “CLASS SHINE” mas'uliyati cheklangan jamiyati ana shunday ko'p marotabalik shisha mahsulotlarini ishlab chiqarishga qaratilgan.
Ushbu korxona 2012 yilda oynavand mahsulotlar ishlab chiqarishga mo'ljallangan asbob-uskunalar sotib olish maqsadida Milliy bank Toshkent viloyati bo'limiga kredit so'rab murojaat qildi. Uning murojaati tez orada ko'rib chiqilib, tuzilgan kredit shartnomasiga asosan Xitoy Davlat Taraqqiyot Banki mablag'lari hisobidan 289.000 (ming) AQSH dollari miqdorida kredit mablag'i ajratilgan. “CLASS SHINE” MCHJ va Xitoyning “GUANGZHOU FORTUNA IMP &EXP TRADING CO.,LTD” bilan 2012 yilning fevral oyida imzolangan import shartnomasiga asosan shisha mahsulotlar ishlab chiqaruvchi asbob-uskunalar keltirildi.
“CLASS SHINE” MCHJ kelgusida o'z faoliyatini yanada kengaytirishni maqsad qilgan. Xususan, ishlab chiqarilgan bankalarni MCHJning o'zida yaratilishi ko'zda tutilgan oziq-ovqat mahsulotlari bilan to'ldirish orqali O'zbekiston bozorida o'z o'rniga ega bo'lishni rejalashtirgan.
Muxtasar aytganda, davlatimiz tomonidan sanoat rivojiga qaratilayotgan e'tibor tufayli u istiqlol yillarida iqtisodiyotimizning yetakchi sohalaridan biriga aylandi. Mamlakatimizda bosqichma-bosqich amalga oshirilayotgan islohotlardan ko'zlangan pirovard maqsad ham iqtisodiyotimizni mustahkamlash, aholining turmush farovonligini yanada yuksaltirishga qaratilgandir. Milliy bank ham bu borada belgilab berilgan yo'ldan og'ishmay bormoqda.
UzReport
