Joriy yilning olti oyi davomida eksport faoliyatiga 493 ta yangi korxonalar jalb etildi
O'zbekiston Respublikasi Iqtisodiyot vazirligi va Davlat statistika qo'mitasi 2015 yilning birinchi yarim yilligida O'zbekiston Respublikasi ijtimoiy-iqtisodiy rivojlanish yakunlariga oid hisobotni taqdim etdi.
Hisobotda keltirilgan ma'lumotlarga ko'ra, joriy yil boshidan buyon 493 yangi korxona eksport faoliyatiga jalb etildi. Avtobuslar, oq sement, mis quvurlar, gigiyena buyumlari, suyuq va gazsimon argon, lok-bo'yoq mahsulotlari, travertin va sopol koshinlar, maishiy gaz, elektr va kombinatsiyalangan plitalar, yangi turdagi kabel-o'tkazgich mahsulotlari, avtomobil o'rindiqlari, avtomobillarning shtampalangan va payvandlangan detallari, payvandlash uskunalari, yangi turlagi konservalangan meva-sabzavot mahsulotlari va boshqa qiymati 64 million dollardan ziyod 168 turdagi yangi tovarlar eksportga yetkazib berildi.