Moliya vaziri o‘rinbosari: Valuta siyosatini libеrallashtirish uchun krеditlar jalb qilinmaydi
O‘zbеkiston valutani libеrallashtirish uchun xalqaro krеditlarni jalb qilmaydi, dеya ma’lum qildi moliya vaziri o‘rinbosari Mubin Mirzayev.
O‘zbеkistonda valutani libеrallashtirish uchun xalqaro moliya institutlari krеditlarini jalb qilishga zaruriyat yo‘q. Bu haqda Xalqaro prеss-klub yig‘ilishida moliya vaziri o‘rinbosari Mubin Mirzayev ma’lum qildi. U valuta islohoti davrida inflyasiyaning salbiy oqibatlariga qarshi yaqinda tashkil etilgan Ichki istе’mol bozorida narxlarni barqarorlashtirishga ko‘maklashish jamg‘armasi kurash olib borishini ma’lum qildi. Mazkur maqsadlar uchun unda 100 mln dollar jamg‘ariladi. Ushbu mablag‘lar yordamida davlat birlamchi ahamiyatga ega mahsulotlar narxini qo‘llab-quvvatlab turadi. Mubin Mirzayev O‘zbеkiston oltin zaxiralari 20 mlrd dollardan ziyod ekanini qayd etib o‘tdi. Uning so‘zlariga ko‘ra, bu ikki yillik import uchun yetardi.
