Koreya Eksimbanki Prezidenti ishtirokida moliya sohasi mutaxassislari uchun seminar o'tkzaildi

Mamlakatimizda mehmon bo'lib turgan  Koreya Respublikasi Eksport-import banki prezidenti Li Duk Xun  O'zbekiston banklar assotsiatsiyasida  tashkil etilgan uchrashuvda  ishtirok etdi. “Eksimbank”ning Koreya iqtisodiy rivojlanishidagi roli va uning O'zbekiston Respublikasi iqtisodiyotiga  qo'shayotgan hissasi” mavzuidagi  uchrashuv-seminarda  O'zbekiston  Moliya vazirligi,   Markaziy    bank,    tijorat    banklari    va    nobank    kredit  tashkilotlari rahbarlari, tijorat banklarining investitsiyalarii jalb qilish va   ulardan   foydalanish   masalalarida  ixtisoslashgan   departamentlari ma'sul xodimlari ishtirok etdi.

Koreya Eksport-import banki Prezidenti Janubiy Koreya iqtisodiyotining   rivojlanishi, mamlakatning jahon ishlab chiqarishidagi yutuqlari, shuningdek Koreyaning taraqqiy etishida  Eksimbank hissasi va  boy tajribasi  bilan o'rtoqlashdi.  Bundan tashqari,  uchrashuvda  Koreya  eksport-import bankining O'zbekiston iqtisodiyoti va uning bank sohasi rivojiga qo'shayotgan  hissasi ham alohida ta'kidlab o'tildi.

-Koreya Respublikasi uchun Surgil kabi loyihalar muhim ahamiyatga ega, deydi. “Eksimbank” ning iqtisodiy tadqiqotlar instituti ilmiy xodimi Jo Yang-Kvan. - Bizda  neft va gaz ishlab chiqarilmaydi. Lekin Janubiy Koreyada   neft va gaz sanoati  uchun zarur bo'lgan zamonaviy  texnikalar bor.  Aynan bu borada Koreya O'zbekiston bilan hamkorlik qilishi mumkin. “Eksimbank” esa   mazkur sohadagi  yirik  loyihalarni  moliyalashtiradi.  Bu loyihalar   O'zbekiston iqtisodiyotini rivojlantirishga  xizmat qiladi. 

Ochiq muloqot va fikr almashinuv ruhida o'tgan tadbirda   mehmon o'zbekistonlik bank mutaxassislari  tomonidan berilgan barcha savollarga batafsil javob berdi.  Unda ta’kidlaganidek, mazkur uchrashuv  ikki  mamlakat bank tizimlari o'rtasidagi samarali va istiqboli munosabatlarning rivojlanishi, tomonlar o'rtasida o'zaro ishonchning  yanada mustahkamlanishi, shuningdek jalb etiladigan  investitsiya hajmining    o'sishi va mamlakatimiz banklari faoliyat samaradorligining oshishiga xizmat qiladi.

UzReport