Сила в доверии

НБУ в соцсетях:

Hunarmandlik mahsulotlari – eksportga

29.09.2014 1564

Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasida hunarmandlik mahsulotlari eksportini ko‘paytirish masalalariga bag‘ishlangan davra suhbati bo‘lib o‘tdi.

Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi, O‘zbekiston Savdo-sanoat palatasi, Respublika “Hunarmand” uyushmasi hamkorligida tashkil etilgan ushbu tadbirda mutasaddi davlat tashkilotlari, sanoat korxonalari va tashqi savdo kompaniyalari vakillari, hunarmandlar ishtirok etdi.

O‘zbekiston Savdo-sanoat palatasi raisi A.Shayxov, Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi direktori vazifasini bajaruvchi J.Mustafoyev va boshqalar Prezidentimiz Islom Karimov rahnamoligida kichik biznes va xususiy tadbirkorlikni rivojlantirish, eksportbop mahsulotlar ishlab chiqarishni ko‘paytirish borasida amalga oshirilayotgan ishlar samarasida mamlakatimizning eksport salohiyati yuksalib borayotganini ta’kidladi.

Davlatimiz rahbarining 2013-yil 8-avgustda qabul qilingan qarori asosida tashkil etilgan Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi bu borada muhim ahamiyat kasb etmoqda. Jamg‘arma ishlab chiqaruvchilarning chet ellarda o‘tkazilayotgan yirik xalqaro yarmarkalar, biznes-forum va kooperatsion birjalarda ishtirok etishi, xaridorlar topishi va shartnomalar tuzishiga, eksport jo‘g‘rofiyasini kengaytirishga ko‘maklashmoqda. Joriy yilning o‘tgan sakkiz oyida jamg‘arma tomonidan 657 tadbirkorlik subyektiga tashkiliy, moliyaviy va huquqiy xizmatlar ko‘rsatildi. Natijada 630,6 million AQSh dollari miqdoridagi tovar va xizmatlar, jumladan, 13 million dollarga teng hunarmandlik mahsulotlari eksport qilindi. 

Xalq amaliy san’ati va hunarmandchiligimiz mahsulotlariga xorijliklarning qiziqishi yuqori. Milliy qadriyatlarimizni tiklash va rivojlantirishga qaratilayotgan e’tibor samarasida yurtimizda bu sohalar ham izchil taraqqiy etmoqda. Respublika “Hunarmand” uyushmasi qoshida olti yuzdan ortiq “Ustoz-shogird” maktabi faoliyat yuritmoqda. Mamlakatimiz hunarmandchilik kasb-hunar kollejlarida zargarlik, yog‘och o‘ymakorligi, milliy-etnografik badiiy liboslar dizaynerligi, to‘quvchilik, kashtachilik, temirchilik kabi qator yo‘nalishlarda minglab o‘quvchilar tahsil olmoqda. Yosh hunarmandlar va mohir ustalarimizning kulolchilik, o‘ymakorlik, kashtachilik, zardo‘zlik, kandakorlik buyumlari turli xalqaro ko‘rgazmalarda namoyish etilib, e’tibor qozonmoqda. 

– Prezidentimiz rahnamoligida milliy hunarmandlikni rivojlantirishga qaratilayotgan doimiy e’tibor, yaratilayotgan keng imkoniyat va imtiyozlar faoliyatimiz rivojida muhim omil bo‘layotir, – deydi xususiy tadbirkor M.Sa’dullaev. – “MMM” savdo belgisi ostida tabiiy teridan gilamlar tayyorlaymiz. Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi ko‘magida turli xalqaro ko‘rgazma va yarmarkalarda qatnashib, mahsulotlarimizni eksport qilmoqdamiz. Xususan, joriy yilning may oyida Xitoyning Sian shahrida o‘tgan xalqaro sanoat yarmarkasida 20 ming dollarga gilamlar sotdik va yana 200 ming dollarlik mahsulot yetkazib berish bo‘yicha shartnoma imzoladik. 

Davra suhbatida kichik biznes va xususiy tadbirkorlik subyektlarining eksport salohiyatini yanada kengaytirish, ularga zamonaviy, chet el bozorlarida raqobatbardosh mahsulot ishlab chiqarish hajmini oshirishda ko‘maklashish masalalari muhokama etildi. 

2
1



Читайте также

Смотреть все новости

Вниманию клиентов Банка

19.04.2021

АО «Узнацбанк»: большой вклад в решение социально-экономических вопросов населения

19.04.2021

АО «Узнацбанк» объявляет конкурс на услуги по внедрению цифрового банкинга

14.04.2021

АО "Узнацбанк" объявляет конкурс на строительство экспресс-пункта

14.04.2021

Оставайтесь в курсе последних событий

Будем отправлять одно письмо в неделю, и никакого спама

Последнее обновление сайта: 19.04.2021 12:26:27

Лицензия Центрального Банка Республики Узбекистан №22 от 15.02.2020 г.
© 2021 NBU. Все права защищены. Обнаружив в тексте ошибку, выделите её и нажмите Ctrl+Enter

В случае обнаружения несоответствия в информации, представленной на разных языках, необходимо руководствоваться вариантом на государственном языке. При использовании материалов сайта ссылка на веб-сайт www.nbu.uz обязательна.

Обратная связь

Контактная информация

Режим работы обратной связи
с 9:00 до 21:00 с понедельника по пятницу

100084, Республика Узбекистан, г. Ташкент, проспект Амира Темура, 101

Ваше сообщение успешно отправлено

Наш специалист ответит вам в течение рабочего дня. В связи с большим числом запросов во время пандемии COVID-19 возможны небольшие задержки при ответе на обращения.