Telegram ijtimoiy tarmog‘ida “Alo, men 21-asrdan telefon qilyapman” mavzusidagi maqolaga MUNOSABAT

Mijozlarning banklardagi hisobraqamlariga xizmat ko‘rsatish shu jumladan, hisobraqamlar bank aylanmalari va xisobraqam qodiqlari to‘g‘risida ma'lumotlar taqdim etish ishlari mijoz bilan bank o‘rtasida tuzilgan shartnomaga asosan olib boriladi.

Shartnoma shartlariga asosan bank o‘z mijozlarining shaxsiy hisobraqamlari, shu jumladan,  omonatlari bo‘yicha ham barcha ma'lumotlarni sir saqlash hamda unga doir ma'lumotlarni faqat O‘zbekiston Respublikasining amaldagi qonun hujjatlarida ko‘zda tutilgan hollarda, mijozning shaxsan o‘zi yoki uning ishonchli vakili tomonidan tasdiqlovchi hujjatlar asosida taqdim etish majburiyatini olgan. 

Bunga ko‘ra bank tomonidan ijtimoiy tarmoqlar va elektron pochta orqali murojaat qilgan hollarda ularni haqiqatda shaxsini identifikasiya qilish imkoniyati bo‘lmaganligi sababli “bank mijozlarining bank sirini tashkil etuvchi ma'lumotlarini” taqdim etish O‘zbekiston Respublikasi «Bank siri to‘g‘risida»gi Qonun talablariga zid ravishda uchinchi shaxsga oshkor qilish deb hisoblaniladi.

Pandemiya bilan bog‘liq holda o‘rnatilgan karantin davrida mijozlarimizga qulaylik yaratish maqsadida, bank tomonidan an'anaviy xizmat turlari mobil ilova va boshqa turdagi masofaviy tarmoqlar orqali taqdim etilib borilmoqda. Ayrim hollarda istisno tariqasida noan'anaviy turdagi bank xizmatlari mijozning holatidan kelib chiqib, bank uchun yuqori riskni tashkil qilmagan hollarda masofaviy ravishda taqdim qilish choralari ko‘rilmoqda. Maqolada keltirilgan holat bo‘yicha ham mijozimizga tegishli xizmatlar masofaviy taqdim qilindi.

Xamyurtimiz tomonidan maqolada bildirilgan takliflardan shu kabi rivojlangan xizmatlarni joriy qilishda foydalanamiz.
Bugungi kunda, mijozlarimizning barcha takliflarini inobatga olib, qonun xujjatlariga amal qilgan xolda bankimizda xizmatlar tezkorligini oshirish maqsadida mavjud bank texnologiyasi tizimini zamonaviy dasturiy ta'minotlar va texnik uskunalar bilan ta'minlash, masofaviy xizmat turlarini ko‘paytirish ishlari olib borilmoqda.