O‘zmilliybankda “Loyihalar fabrikasi” ofislari

08.06.2020 2031

"O‘zmilliybank" AJning yana bir muhim va yangi konsepsiyalaridan biri – loyihalar fabrikasini ishlab chiqish va amalga oshirishdir.

Bu loyihalar fabrikasining asosiy maqsadi loyihalarni moliyalashtirish imkoniyatlarini oshirish, yangi loyihalarni moliyalashtirish hisobiga mamlakat iqtisodiyotining o‘sishiga hamda bank uchun qo‘shimcha ishtirokchilarni jalb qilgan holda tavakkalchilikni kamaytirishga erishishdir”.

Ushbu jumlalar joriy yil 11 martda "O‘zmilliybank" 2020 yilgi ish rejalari borasida berilgan maqolada keltirilgan edi.

Belgilab olingan ish rejalari bosqichma bosqich amalga oshirilib kelinmoqda.

Respublikamizda birinchi loyihalar fabrikasi joriy yil 5 iyunda Farg‘ona viloyatida tashkil etildi.

"O‘zmilliybank" shu kabi “Loyihalar fabrikasi” ofislarini kelgusida Jizzax, Samarqand, Navoiy va Surxondaryo viloyatlarida xam tashkil qiladi.

Shu maqsadda, bankning keltirib o‘tilgan filiallari binolarida alohida xonalar ajratilib zamonaviy kompyuter va boshqa texnikalar bilan jixozlanadi, bu yerda hududlardagi zamonaviy bilimlarga ega bo‘lgan yoshlarning ishlab o‘z iqtidorlarini ko‘rsatishlari uchun zarur bo‘lgan barcha sharoitlar yaratiladi.

Har bir hududning iqtisodiy salohiyatidan kelib chiqqan holda tayyorlangan “samarali loyihalar” tadbirkorlarga taklif qilinadi. Mijozlarga xizmat ko‘rsatishning yangicha yondashuvi yani mijoz moliyaviy manfaatlarini ximoyalash, loyihani moliyalashtirishda yangicha mexanizm qo‘llanilib, ishlab chiqarish jarayonlari davomida ham loyihaga moliyaviy xizmatlar ko‘rsatilib boriladi.