Специальные возможности
13.03.2014

G‘oliblar mamlakat bosqichida qatnashadi

     Surxondaryoda “Tashabbus – 2014” ko‘rik-tanlovining viloyat bosqichi bo‘lib o‘tdi.
     Unda tanlovning shahar va tuman bosqichlarida g‘oliblikni qo‘lga kiritgan qirqdan ortiq tadbirkor, fermer va hunarmand o‘z mahsulotlari ko‘rgazmasini namoyish etdi.
     Viloyatda 27 mingdan ko‘proq kichik biznes va xususiy tadbirkorlik subyekti davlat ro‘yxatidan o‘tkazilgan. Viloyat yalpi hududiy mahsulot ishlab chiqarishida xususiy sektorning ulushi 74,1 foizni tashkil etmoqda. O‘tgan yili moliya institutlari tomonidan sohaga 323 milliard 644 million so‘m kredit ajratildi. 37 ming 509 yangi ish o‘rni yaratildi. Prezidentimiz rahnamoligida qulay ishbilarmonlik muhiti yaratilib, imtiyoz va preferensiyalar berilayotgani qishloqlarda zamonaviy ishlab chiqarish korxonalari barpo etish, fermerlik harakatini yetakchi kuchga aylantirish, xalq hunarmandchiligini rivojlantirish va aholi farovonligini ta’minlashda muhim omil bo‘lib xizmat qilayotir.
     Denov tumanidagi “Samo yulduzi Denov” xususiy korxonasi rahbari Usmonali Abduvoitov “Eng yaxshi tadbirkor”, Jarqo‘rg‘on tumanidagi “Bog‘i Abbos” fermer xo‘jaligi rahbari Yusuf Rahmonov “Eng yaxshi fermer”, Sariosiyo tumanidan yakka tartibdagi tadbirkor Bahriddin Pardayev “Eng yaxshi hunarmand” yo‘nalishida birinchi o‘rinni egallab, tanlovning mamlakat bosqichiga yo‘llanma oldi.
     Ko‘rik-tanlovda, shuningdek, “Eng yosh tadbirkor”, “Eng yaxshi tadbirkor ayol”, “Eng yaxshi eksportchi” kabi o‘nga yaqin nominatsiyalar bo‘yicha ham g‘oliblar aniqlanib, tashkilotchilarning qimmatbaho sovg‘alari bilan taqdirlandi.

O‘zA, 13.03.2014


Курсы валют

  • USDUZS
  • 9000.00
  • EURUZS
  • 10020.00
  • RUBUZS
  • 137.00

Мобильное
приложение Milliy

Информация по кредитам
Погашение кредита
Информация по депозитам
Уведомление о наступлении срока погашения кредита и выплаты начисленных процентов по депозитам

Свидетельство об официальной регистрации программы