«Men dutor birlan tug‘ishan, ko‘hna bir devonaman»

2021 yil 18 yanvar kuni O‘zbekiston tasviriy sanʼat Galereyasida atoqli shoir, yozuvchi,  dramaturg va tarjimon, XX asr o‘zbek adabiyotining yorqin namoyandasi Abdulhamid Sulaymon o‘g‘li Cho‘lponning 125 yilligiga bag‘ishlangan “Men dutor birlan tug‘ishan, ko‘hna bir devonaman” nomli ko‘rgazmaning ochilishi bo‘lib o‘tdi.



Ko‘rgazma “Dutorning yaralishi” afsonasi asosida tasvirga olingan “Inkarnatsiya” video-performansi va “Dutor” installyatsiyasi doirasida yaralgan bo‘lib, dutor va shoir qismatining uyqash, uyg‘un va muqobil jihatlarini ochib berishga hizmat qiladi.

Maʼlumki, shoirdan bizgacha  juda  kam sonli ashyolar saqlanib qolgan, sanʼat maydonini zamonaviy sanʼat, hozirgi hayotimizga uzviy bog‘liq ravishda, mazkur tadbir  nafaqat ko‘rgazma, balki video-foto, installyatsiya va musiqaviy ijro orqali markaziy g‘oyani talqin etishga qaratilgandir.


Cho‘lpondan bizgacha  faqatgina Cho‘lpon xotira muzeyida saqlanayotgan pasporti, amakisi  sovg‘a qilgan kitob, dastxat tushirilgan fotosuratlar qolgan, xolos. Ko‘rgazma doirasida ilk bora Cho‘lponning yaqinlari honadonlarida saqlanayotgan, memorial ahamiyatga ega: shoirning bolalik davri xon-taxtachasi va Cho‘lponga tegishli bo‘lgan kitob javoni ko‘rgazma zalidan o‘rin oladi.

Ko‘rgazmaning avj nuqtasi-zalda dutorli ijrochining ko‘rinishi bo‘lib, u Cho‘lponning 1925-yilda yozgan sheʼrlariga “Galdir” ni ijro etadi. Abdumalik Jo‘rayevning jonli ijrosi ko‘rgazma davomida, har kuni soat 16.00 da bo‘lib o‘tadi. Ko‘rgazmaning ochilish kunida O‘zbekiston xalq hofizi Xasan Rajabiy ijro etdi.




Ko‘rgazma 2022 yil  22 yanvarga qadar davom etadi