Abduxakim Turdievning “Tuyg`ular” nomli shaxsiy ko`rgazmasi

O`zbekiston tasviriy san`at Galereyasida 2021 yilning 7 - 30 oktyabr kunlari Abduxakim Turdievning “Tuyg`ular” nomli shaxsiy ko`rgazmasi bo`lib o`tadi.

Abduxakim Turdiev ijodining konseptsiyasi tabiatning – suv, havo, tuproq, olov kabi to'rt unsurdan tashkil topgan. Tabiat unsuri haqidagi mavzu asrlar davomida turli rassomlar ijodida o'ziga xos talqinda aks etib kelinadi.

"Tuyg'ular" ko'rgazmasi to'rt unsurning mantiqiy davomidir. Rassom kompozitsiyasinig tuzilishi mandal sxemasida bo'lib, bu yerda kvadrat ichida diora va takroran doira ichida kvadrat ketma-ketligida moslashtirilgan holda murakkab shakllar jamlanmasida geometrik ramzlar aks etadi va u Olam modeli sifatida talqin qilinadi. Mazkur shakl lavhalari Abduxakim Turdievning olamiga aylangan.

Ma`lumot o`rnida: Abduhakim Turdiyev 1957 yilda Toshkentda tavallud topgan. 1978 yilda P. Benkov nomidagi rassomlik bilim yurtini tamomlagan. 1979-1984 yillarda V.I.Surikov nomodagi Moskva davlat akademik badiiy institutida va 1992-1996 yillar Qirollik nafis san'at akademiyasida (Niderlandiya) tahsil olgan.