Kuch ishonchda

НБУ в соцсетях:

Milliy bank tomonidan 2014 yilda aholi omonatlarini jalb qilish bo'yicha amalga oshirilgan ishlar

12.12.2014 953

Bugungi kunda Respublikamizda bank-moliya tizimini yanada rivojlantirish yuzasidan olib borilayotgan islohotlar o'z samarasini bermoqda, jumladan, tijorat banklari kredit qo'yilmalarining qariyb 80 foizini ichki manbalar hisobidan amalga oshirilayotganligi hamda nufuzli xalqaro reyting kompaniyalari tomonidan O'zbekiston banklariga “barqaror” reyting darajasini berilganligini ta'kidlash mumkin. 

Tashqi iqtisodiy faoliyat Milliy bank tomonidan hisobot davrida aholi qo'lidagi bo'sh pul mablag'larni muddatli va jamg'arma depozitlariga jalb qilish orqali bankning resurs bazasini yanada mustaxkamlash, mijozlarga ko'rsatilayotgan xizmatlar ko'lamini kengaytirish bo'yicha zaruriy chora-tadbirlar ishlab chiqilib, bir qator ishlar amalga oshirilmoqda.

“Jumladan, jismoniy shaxslar uchun milliy va xorijiy valyutada jami 14 ta yangi muddatli omonat joriy etildi. Shundan, “Sog'lom bola yili” Davlat dasturiga ko'ra, 7 yoshgacha bo'lgan bolalar uchun “Kelajak avlod” deb nomlangan depozit turi, aholiga kommunal to'lovlarni to'lashi uchun mo'ljallangan «Zangori olov»  «Yorqin» va «Chashma» deb nomlangan omonatlar joriy etildi. Hozirda bankimizda jami 36 turdagi omonatlar amal qilmoqda. Aholiga doimiy ravishda ularning bank depozitlarida saqlanayotgan omonatlari davlat tomonidan 100% kafolatlanganligi va daxlsizligi ta'minlanganligi to'g'risida ommaviy axborot vositalari orqali ma'lumot berib kelinadi”, – deya ta'kidladi Milliy bank pul muomalasi departamentining omonat operatsiyalari boshqarmasi boshlig'i Otabek Mirzayev.

Ko'rilgan chora-tadbirlar natijasida, 2014 yilning 1 dekabr holatiga aholi omonat hisobvaraqlaridagi pul mablag'lar qoldig'i joriy yil boshiga nisbatan jami 21%ga ko'paygan bo'lib, shundan muddatli depozitlar miqdori 27 foizga ortishga erishildi. Hisobot davrida chakana mijozlar soni ham o'tgan yilning shu davriga nisbatan 300 mingtaga ko'paygan. 

Bundan tashqari, Milliy bankda xalqaro tezkor pul o'tkazmalari orqali aholiga sifatli xizmat ko'rsatish maqsadida, respublikamizni barcha viloyatlarida joylashgan 95 ta pul o'tkazish shoxobchalari faoliyat ko'rsatadi. 2014 yilning yanvar-noyabr oylari davomida bankda xalqaro pul o'tkazmalari bo'yicha amalga oshirilgan operatsiyalar miqdori o'tgan yilning shu davriga nisbatan 155 foizga ko'paygan. Bugungi kunda Milliy bank tizimida “Western Union”, “Money Gramm”, “Zolotaya korona” hamda “Aziya eksperess” xalqaro pul o'tkazish tizimlari orqali aholiga xizmat ko'rsatib kelinadi.

Shuningdek, aholiga kommunal to'lovlarni to'lashida qulayliklar yaratish maqsadida, joylardagi bo'lim va filiallarga qarashli 110 ta maxsus kommunal kassalarda mijozlardan kommunal to'lovlar uchun pul mablag'lari qabul qilinadi. Jumladan aholi tomonidan foydalanilgan gaz va elektr energiyasi uchun to'langan pul mablag'larni tezkor ravishda tegishli korxona va tashkilotlar hisob raqamlariga o'tkazib berilishini ta'minlash maqsadida, to'lovlarni “On-layn” rejimida qabul qilishni ta'minlovchi tizim yo'lga qo'yilgan.

Aytish joizki, joriy yil davomida ushbu tizim orqali aholidan jami 802 mln. so'm pul mablag'lari qabul qilingan bo'lib, shundan gaz to'lovlari uchun kelib tushgan mablag'lar 214 mln. so'mni va elektr energiyasi uchun 588 mln. so'mni tashkil etadi.

 

 

UzReport

 

 

 

0
0



Shuningdek o'qing

Barcha yangiliklar

Korrupsiya- taraqqiyot kushandasi

21.04.2021

"O‘zmilliybank" AJ mijozlari diqqatiga

19.04.2021

Umumjahon pul haftaligi: yoshlarning moliyaviy savodxonligi oshirilmoqda

16.04.2021

Uy-joy uchun krеditlar qulay shartlarda taqdim etilmoqda

15.04.2021

So`nggi yangiliklardan xabardor boling

Haftasiga bir martta xabar yuboramiz, va hech qanday spamlarsiz

Oxirgi yangilanish sanasi: 21.04.2021 09:44:34

O'zbekiston Respublikasi Markaziy bankining 15.02.2020 yildagi 22-sonli litsenziyasi.
© 2021 NBU. Barcha huquqlar himoyalangan.

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak. Saytdagi ma’lumotlardan foydalanilganda www.nbu.uz veb-saytiga havola qilish majburiy

Aloqa markazi

Aloqa ma'lumotlari

Aloqa markazining ish tartibi
dushanbadan jumagacha soat 9:00 dan 21:00 gacha

101 Amir Temur shoh ko‘chasi, Toshkent 100084

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi. COVID-19 pandemiyasi davrida so’rovlarning ko’pligi sababli murojaatlarga javob berilishida kechikish holatlari vujudga kelishi mumkin.