Kuch ishonchda

НБУ в соцсетях:

Mikrokredit tashkilotlari faoliyatini litsenziyalash tartibi to'g'risidagi nizomga o'zgartirishlar kiritildi

29.09.2015 1026

«O'zbekiston Respublikasining Markaziy banki to'g'risida»gi, «Mikrokredit tashkilotlari to'g'risida»gi, «Faoliyatning ayrim turlarini litsenziyalash to'g'risida»gi hamda «O'zbekiston Respublikasining ayrim qonun hujjatlariga xususiy mulkni, tadbirkorlik subyektlarini ishonchli himoya qilishni yanada kuchaytirishga, ularni jadal rivojlantirish yo'lidagi to'siqlarni bartaraf etishga qaratilgan o'zgartirish va qo'shimchalar kiritish to'g'risida»gi qonunlariga muvofiq Markaziy bank Boshqaruvi “Mikrokredit tashkilotlari faoliyatini litsenziyalash tartibi to'g'risida”gi Nizomga o'zgartirishlar kiritish haqida” qaror qabul qildi.

  Kiritilgan o'zgartirishlarga ko'ra, litsenziya olish uchun mikrokredit tashkiloti ro'yxatdan o'tkazilganidan so'ng bir oydan kechiktirmasdan Markaziy bankka yoki uning tegishli hududiy boshqarmasiga pochta aloqasi vositalari orqali yoki elektron shaklda, ular olinganligi haqida xabardor qilingan holda taqdim etilishi zarur bo'lgan hujjatlar ro'yxati qisqartirildi. Xususan, ilgari taqdim etilishi lozim bo'lgan mikrokredit tashkilotining ta'sis hujjatlari, mikrokredit tashkiloti davlat ro'yxatidan o'tkazilganligi to'g'risida guvohnomaning nusxasi kabi hujjatlar endilikda talab etilmaydi.

Bundan tashqari, hajmi bir varaqdan ziyod holda taqdim etiladigan barcha hujjatlar alohida yig'majild shaklida tikilib, mikrokredit tashkiloti rahbari tomonidan imzolangan va muhr mavjud bo'lgan taqdirda muhri bilan tasdiqlangan bo'lishi lozimligi belgilab qo'yildi.

O'zgartirishlarga ko'ra, ilgari norezident jismoniy va yuridik shaxslar tomonidan, shuningdek ellik foizdan ortiq aksiyalari norezident jismoniy va yuridik shaxslarning egaligida, foydalanuvida yoki tasarrufida bo'lgan rezident yuridik shaxslar tomonidan O'zbekiston Respublikasida tashkil etilgan mikrokredit tashkiloti aksiyalarini  sotib olish, ularga egalik qilish huquqini berish va shu kabi boshqa munosabatlar bo'yicha kelishuvlar faqat Markaziy bankning oldindan ruxsati olinganidan so'ng amalga oshirilgan bo'lsa, endilikda bu talab bekor qilindi.

Shuningdek, o'zgartirishlarga ko'ra, Mikrokredit tashkiloti litsenziyaning amal qilishini to'xtatib turishga olib kelgan holatlarni bartaraf etgan taqdirda Markaziy bank tasdiqlovchi hujjatlar olingan kundan boshlab uch kun ichida uning amal qilishini tiklash to'g'risida qaror qabul qilishi shart. Ilgari bu muddat o'n kunni tashkil etgan.

 Mazkur Nizomga muvofiq talab qilinadigan barcha hujjatlar O'zbekiston Respublikasining «Davlat tili haqida»gi Qonuniga rioya etilgan holda taqdim etiladi.

 

UzReport

0
0



Shuningdek o'qing

Barcha yangiliklar

Umumjahon pul haftaligi: yoshlarning moliyaviy savodxonligi oshirilmoqda

16.04.2021

Uy-joy uchun krеditlar qulay shartlarda taqdim etilmoqda

15.04.2021

“O‘zmiliybank” AJ raqamli banking platformasini joriy qilish bo`yicha tanlov e`lon qiladi

14.04.2021

“O‘zmilliybank” AJ Shahrisabzda ekspress-punkt qurilishi bo`yicha tanlov e`lon qiladi

14.04.2021

So`nggi yangiliklardan xabardor boling

Haftasiga bir martta xabar yuboramiz, va hech qanday spamlarsiz

Oxirgi yangilanish sanasi: 16.04.2021 12:20:33

O'zbekiston Respublikasi Markaziy bankining 15.02.2020 yildagi 22-sonli litsenziyasi.
© 2021 NBU. Barcha huquqlar himoyalangan.

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak. Saytdagi ma’lumotlardan foydalanilganda www.nbu.uz veb-saytiga havola qilish majburiy

Aloqa markazi

Aloqa ma'lumotlari

Aloqa markazining ish tartibi
dushanbadan jumagacha soat 9:00 dan 21:00 gacha

101 Amir Temur shoh ko‘chasi, Toshkent 100084

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi. COVID-19 pandemiyasi davrida so’rovlarning ko’pligi sababli murojaatlarga javob berilishida kechikish holatlari vujudga kelishi mumkin.