Kuch ishonchda

MilliyOn

Hozirning o‘zida muhim xaridlar!

Avto to‘lov

Bo‘sh vaqtingizdan zavqlaning!

NBU ijtimoiy tarmoqlarda:

Fuqarolik jamiyatining mustahkam asosi

29.12.2011 3177

O‘zbekiston Respublikasi Oliy Majlisi Qonunchilik palatasining Axborot va kommunikatsiya texnologiyalari masalalari qo‘mitasida davlatimiz tomonidan mamlakatimiz nodavlat ommaviy axborot vositalarini rivojlantirish borasida amalga oshirilayotgan ishlar to‘g‘risida Parlament eshituvi bo‘lib o‘tdi. O‘zbekiston matbuot va axborot agentligining bu yo‘nalishdagi ishlarga doir axboroti tinglandi. Unda deputatlar, tegishli vazirlik va idoralar mas’ul xodimlari, jurnalistlar ishtirok etdi.

Oliy Majlis Qonunchilik palatasining Axborot va kommunikatsiya texnologiyalari masalalari qo‘mitasi raisi A.Jo‘raboyev, O‘zbekiston matbuot va axborot agentligi bosh direktori B.Alimov, O‘zbekiston mustaqil bosma ommaviy axborot vositalari va axborot agentliklarini qo‘llab-quvvatlash jamoat fondi direktori A.Abdullayev va boshqalar mamlakatimizda Prezidentimiz Islom Karimov rahnamoligida fuqarolik jamiyati institutlari tizimida ommaviy axborot vositalarining o‘rni va rolini mustahkamlash, ularni yanada erkinlashtirish borasida keng ko‘lamli islohotlar tizimli va izchil amalga oshirilayotganini ta’kidladi. Istiqlol yillarida soha rivojini ta’minlaydigan, demokratik talab va standartlarga to‘la mos keladigan mustahkam qonunchilik bazasi yaratildi.

Matbuotni odamlar o‘z fikr va g‘oyalarini, sodir bo‘layotgan voqealarga o‘z munosabati va pozitsiyasini erkin ifoda etadigan minbarga aylantirish maqsadida olib borilayotgan keng ko‘lamli ishlar samarasida oxirgi o‘n yilda O‘zbekistonda nodavlat ommaviy axborot vositalari soni ikki barobar o‘sdi. Bugun yurtimizda 1 ming 243 ommaviy axborot vositasi faoliyat ko‘rsatayotgan bo‘lsa, 43 foiz bosma nashr, 53 foiz telekanal va 85 foiz radiokanallar, 160 dan ortiq veb-sayt nodavlat sektorga tegishlidir.

Prezidentimiz Islom Karimov tomonidan ilgari surilgan Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasida axborot sohasini isloh qilish, axborot va so‘z erkinligini ta’minlash, xususan, nodavlat OAV faoliyatini har tomonlama qo‘llab-quvvatlash borasida muhim vazifalar belgilangan. Ularning amalga oshirilishi esa fuqarolarning axborot sohasidagi huquqini yanada kengaytirish uchun imkon yaratish, ommaviy axborot vositalarining davlat hokimiyati va boshqaruv organlari faoliyati ustidan jamoatchilik va parlament nazoratini ta’minlash, hokimiyat va jamoatchilik o‘rtasida mustahkam aloqa o‘rnatish borasidagi rolini kuchaytirishga xizmat qiladi.

2011 yilda mazkur soha moddiy-texnik bazasi va kadrlar salohiyatini mustahkamlash maqsadida 19 tahririyatning loyihalari moliyalashtirildi, 100 ga yaqin nashrga grantlar ajratildi. Hududiy nashrlarning 350 nafardan ziyod yosh jurnalistlari poytaxtimizdagi yetakchi tahririyatlarda malaka oshirdi.

Yig‘ilishda mazkur yo‘nalishda yechimini kutib turgan qator dolzarb masalalar ham borligi qayd etildi. Tahririyatlar faoliyatiga bozor mexanizmlarini va internet imkoniyatlarini yanada kengroq joriy etish, hududiy nashrlarning moddiy-texnik salohiyatini mustahkamlash, yosh jurnalist kadrlarning malaka oshirishini yanada kengaytirish shular jumlasidandir. Shuningdek, matbuot xizmatlari roli va o‘rnini kuchaytirish, veb-saytlar faoliyatini zamon talablariga mos va milliy qadriyatlarimizga muvofiq tashkil etishda o‘zaro hamkorlikni yanada mustahkamlash alohida ahamiyatga ega ekani ta’kidlandi.

O‘zA, 27.12.2011

1
0



Shuningdek o'qing

Barcha yangiliklar

Firibgarlik. Ogoh bo‘ling.

25.11.2021

“O‘zmilliybank” AJ Bеkobod filiali yangi binoda ish boshladi

25.11.2021

"O`zmilliybank" AJdan “30 yil birgamiz” aksiyasi sovrinlarining ikkinchi o‘yini...

23.11.2021

Hurmatli AJ "O`zmilliybank" mijozlar!

23.11.2021

So'nggi yangiliklardan xabardor bo'ling

Haftasiga bir marta xabar yuboramiz va hech qanday spamlarsiz

Oxirgi yangilanish sanasi: 26.11.2021 17:34:11

O'zbekiston Respublikasi Markaziy bankining 15.02.2020 yildagi 22-sonli litsenziyasi.
© 2021 NBU. Barcha huquqlar himoyalangan.

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak. Saytdagi ma’lumotlardan foydalanilganda www.nbu.uz veb-saytiga havola qilish majburiy

Aloqa markazi

Aloqa ma'lumotlari

Aloqa markazining ish tartibi
dushanbadan jumagacha soat 9:00 dan 21:00 gacha

101 Amir Temur shoh ko‘chasi, Toshkent 100084

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi. COVID-19 pandemiyasi davrida so’rovlarning ko’pligi sababli murojaatlarga javob berilishida kechikish holatlari vujudga kelishi mumkin.

Xizmat sifatini yaxshilashda ishtirok eting
Iltimos, 3 ta savolga javob bering
So'rovnomaga o'tish