НБУ в соцсетях:

Markaziy bank hamda 'Moody's' xalqaro reyting agentligi bilan hamkorlikda 5-xalqaro yillik konferensiya o'tkazildi

27.04.2015 853

Markaziy bank tomonidan «Moody’s» xalqaro reyting agentligi bilan hamkorlikda tijorat banklarining xalqaro reyting baholarini olish masalalariga bag'ishlangan navbatdagi 5-xalqaro yillik konferensiya o'tkazildi. Konferensiya davomida yevrohudud iqtisodiyotidagi o'zgarishlar va ularning MDH mamlakatlariga ta'siri, iqtisodiy nobarqarorlik oqibatlarining aktivlar sifati, bank tizimining tashqi zarbalarga moyilligi masalalari ko'rib chiqildi.

Tijorat banklarining 300 dan oshiq rahbarlari va mas'ul xodimlari ishtirok etgan mazkur konferensiya mamlakatimiz Prezidentining «2011-2015 yillarda respublika moliya-bank tizimini yanada isloh qilish va barqarorligini oshirish hamda yuqori xalqaro reyting ko'rsatkichlariga erishishning ustuvor yo'nalishlari to'g'risida»gi qarori talablari ijrosini ta'minlash doirasida tashkil etildi. Yurtimizda bank tizimida olib borilayotgan izchil islohotlar va Markaziy bankning samarali bank nazorati, jumladan; aktivlar sifati, kredit portfelini diversifikatsiya qilish, kapital yetarliligi va likvidlik ko'rsatkichlari ustidan doimiy monitoring o'rnatilishi mamlakatimiz banklarining barqaror faoliyat yuritishi uchun zarur sharoitlarni hozirlayotgani anjuman davomida qayd etib o'tildi. Shuningdek «Moody’s» agentligi ekspertlari  tomonidan kredit reytingini taqdim etish metodologiyasi bo'yicha batafsil ma'lumotlar berildi. Shundan so'ng O'zbekiston bank tizimida olib borilayotgan islohotlar natijalari bo'yicha  mulohazalar bildirildi.

Eslatib o'tamiz «Moody’s»agentligi o'tgan yilning aprelidagi "O'zbekiston bank tizimining rivojlanish prognozi" deb nomlangan xisobotida ketma-ket beshinchi marta bank tizimining rivojlanish istiqbollarini "barqaror" deb tasdiqladi. Aktivlar sifatining barqaror dinamikasi, iqtisodiyotning yuqori o'sish sur'ati, banklarning yuqori daromadli ko'rsatkichlari, likvidlik darajasi va banklar faoliyatining samaradorligi kabi omillar mazkur prognozni aniqlashtiruvchi omillar bo'ldi. «Moody’s» agentligi fikriga ko'ra, respublika iqtisodiyotining barqaror o'sishi 12-

18 oy davomida banklar uchun qulay operatsiyalar muxitini ta'minlaydi.

So'nggi yillarda mamlakat moliya-bank tizimini barqarorligini yanada oshirish borasida katta ishlar amalga oshirildi Bank tizimi ko'rsatkichlari nafaqat xalqaro standartlarga javob beradi, balki ayrim me'yorlar bo'yicha yuqori mavqega egadir. Natijada katta uchlik - «Moody’s», «Standart & Poor’s» va «Fitch Rating’s» xalqaro reyting agentliklari mamlakatimizning barcha tijorat banklariga barqaror o'sishini tasdiqlovchi reyting baholarini taqdim etganlar. Tadbirda takidlanganidek  konferensiya davomida bildirilgan tavsiya va xulosalar respublika bank tizimida olib borilayotgan islohotlarni yanada chuqurlashtirish va barqarorligini oshirish, yetakchi xalqaro reyting agentliklari standartlari va baholash ko'rsatkichlari asosida tijorat banklari faoliyatini baholashdagi yondashuvlarni takomillashtiradi, pirovardida bu banklar faoliyatini eng yaxshi xalqaro tajribalarga muvofikq tashkillashtirishga sharoit yaratadi.

 

 

 

 

UzReport

0
0



Shuningdek o'qing

Barcha yangiliklar

«O’zmilliybank» AJ tanlov e'lon qiladi

01.07.2020

«O’zmilliybank» AJ tanlov e'lon qiladi

01.07.2020

«O’zmilliybank» AJ tanlov e'lon qiladi

01.07.2020

Hurmatli "O‘zmilliybank" AJ mijozlari

27.06.2020

So`nggi yangiliklardan xabardor boling

Haftasiga bir martta xabar yuboramiz, va hech qanday spamlarsiz

Oxirgi yangilanish sanasi: 02.07.2020 12:16:36

O'zbekiston Respublikasi Markaziy bankining 15.02.2020 yildagi 22-sonli litsenziyasi.
© 2020 NBU. Barcha huquqlar himoyalangan.

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak

Aloqa markazi

Aloqa ma'lumotlari

Aloqa markazining ish tartibi
dushanbadan jumagacha soat 9:00dan 18:00gacha

101 Amir Temur shoh ko‘chasi, Toshkent 100084

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi