O‘zbekiston Milliy banki xalqaro VISA to‘lov tizimi bilan hamkorlikda aksiya o‘tkazmoqda

Aksiya O‘zbekiston Milliy bankining xalqaro VISA to‘lov kartasi egalari o‘rtasida 2020 yil 15 oktyabrdan 2021 yil  31 martgacha o‘tkaziladi. Unda Visa – Virtual, Classic, Gold, Platinum, Visa Gold NBU-NAK kobrand kartasi, Visa Platinum NBU-NAK kobrand kartasi, Infinite kartalarining  barcha mahsulot  turlari ishtirok etadi. Visa kartalarini  Milliy mobil' ilovasida va  O‘zbekiston Milliy bankining  istalgan bo‘limlarida  ochish mumkin.  

Aksiya davomida  qimmatbaho sovrinlarning oraliq o‘yinlari o‘tkaziladi,  Aksiya muddati  tugagandan so‘ng Bosh  sovrin  o‘ynaladi.

Aksiyaning oraliq o‘yinlarida ishtirok etish uchun Visa kartalarining biridan 10 AQSh dollari va undan yuqori miqdordagi summaga mablag‘  o‘tkazishni amalga oshirish zarur. Bu  savdo-servis korxonalari terminallarida tovarlar/xizmatlar uchun to‘lovlar yoki internet tarmog‘ida  Visa Direct xizmati yordamida  boshqa bankka  o‘tkazmalar bo‘lishi mumkin.

Bosh sovrin o‘yinida ishtirok etish uchun Aksiyani o‘tkazish muddati tugagagunga qadar  bitta Visa kartasidan  Aksiya boshidan 100 AQSh dollari va undan yuqori miqdordagi summaga mablag‘  o‘tkazilishi kerak. Bu  savdo-servis korxonalari terminallarida tovarlar/xizmatlar uchun to‘lovlar yoki internet tarmog‘ida  Visa Direct xizmati yordamida  boshqa bankka  o‘tkazmalar  bo‘lishi  mumkin. 

Aksiyada  bankomat va terminallar orqali konversiya va naqd pul mablag‘larini olish bo‘yicha tranzaksiyalar hisobga olinmaydi.

Aksiyaning barcha o‘yinlari g‘oliblari  Random.org xizmati yordamida  Aksiya ishtirokchilari o‘rtasida tasodifiy tanlov orqali  onlayn tarzda aniqlanadi. 

Oraliq Aksiya o‘yinlarida  quyidagi qimmatbaho sovrinlar o‘ynaladi:

• 1 o‘rin – elektromoped. 
• 2 o‘rin – elektrovelosiped. 
• 3 o‘rin – sportzalga chipta.
• 4 o‘rin – velosiped.
• 5 o‘rin – giroskuter. 

Aksiya muddati tugagandan so‘ng Bosh sovrin – elektromobil' o‘ynaladi.

Aksiya o‘tkazilishiga,  o‘yinning (qimmatbaho sovrinlar, Bosh sovrin)  o‘tkazilish sanasiga oid ma'lumotlar Bank tomonidan Bankning www.nbu.uz rasmiy saytida va Bankning boshqa rasmiy axborot  kanallarida (Telegram, Facebook, Instagram) tegishli ma'lumotlarni  joylashtirish orqali amalga oshiriladi.