Tеnnischimiz Sеrgеy Fomin yana bir g‘alabani qo‘lga kiritdi
Xabaringiz bor, tennis bo‘yicha, 31 - Jahon yozgi Universiadasi 28 iyul kuni Xitoyning Janubi-g'arbidagi Sichuan provinsiyasining Chengdu shahrida boshlangan edi.
Unda turli mamlakatlardan, shu jumladan, O‘zbekistondan kelgan tennischilar ham ishtirok etdi.
Hamyurtimiz Sergey Fomin xalqaro tennis musobaqasida O‘zbekiston jamoasi hisobiga bronza medalini qo‘lga kiritishga muvaffaq bo‘ldi. Ushbu natijani tennischimizning xalqaro turnirdagi navbatdagi g‘alabasi deb e’tirof etish mumkin.
Ma’lumot o‘rnida aytish kerakki, O'zbekiston tennis federatsiyasini qo'llab-quvvatlashda va mamlakatimizda tennisni rivojlantirishda "O'zmilliybank" AJ muhim rol o'ynaydi. Ushbu hamkorlikning natijasi tennischilarimizning turli xalqaro turnirlardagi yutuqlaridir.
Tennischilarimizga xalqaro sport musobaqalarda omad va yangi g'alabalar tilaymiz.
