Internetda firibgarlar bank nomidan soxta saytlar, qalbaki akkauntlar va “rasmiy” ko‘rinishdagi guruhlar yaratadi. Ularning maqsadi — shaxsiy va karta ma’lumotlaringizni qo‘lga kiritish.

Soxtalikni tafsilotlar fosh etadi: havoladagi ortiqcha harf, o‘xshash nom, shubhali profil yoki ma’lumotlarni zudlik bilan tasdiqlash talabi.

Qanday himoyalanish kerak:

• Sayt manzili va bankning rasmiy domenini tekshiring (nbu.uz);

• Shubhali havolalarga o‘tmang;

• Karta ma’lumotlari, PIN-kod va SMS kodlarni begona sahifalarda kiritmang;

• Operatsiyalar bo‘yicha xabarnomalarni Milliy mobil ilovasida yoqing;

• Bankning faqat rasmiy sahifa va kanallaridan foydalaning (Instagram, Facebook, YouTube, X).

Esda tuting, firibgarlarga qarshi kurashishning eng samarali usuli — bu sizning hushyorligingiz va ehtiyotkorligingiz.