O‘zmillibankda Milliy Qadriyatlarga E’tibor – “Milliy Liboslar Kuni” An’anasi!
O‘zmillibankda har bir tashabbus, har bir qadriyat katta ahamiyatga ega. Bizda jamoaviy ruhni mustahkamlash, milliy merosimizni asrab-avaylash va uni amalda yashatish maqsadida har hafta juma kuni “Milliy liboslar kuni” sifatida nishonlanadi.
Aynan shu kun — har bir xodimning o‘z milliy libosida ishga kelib, ajdodlarimizdan meros bo‘lgan qadriyatlarni faxr bilan namoyon qiladigan kunga aylanmoqda. Bugun, bahorning iliq va yangilanishga to‘la aprel oyida, bu an’ana yana bir bor yorqin tus oldi.
O‘zmillibank jamoasi har juma kuni ish joyida nafaqat o‘z milliy ko‘rinishini aks ettiradi, balki mijozlarimizni ham iliq, samimiy va g‘ururli kayfiyat bilan qarshi oladi. Bu tashabbus nafaqat tashqi ko‘rinishda, balki ichki ruhda ham birligimizni, milliy o‘zligimizni namoyon qiladi.
O‘zmillibankda “Milliy liboslar kuni” — bu oddiy kiyinish kuni emas, bu qadriyatlarni qadrlash, madaniyatimizni doimo yodda tutish va jamoaviy muhitga yangi ruh bag‘ishlash demakdir. Bunday tashabbuslar jamoaning har bir a’zosini ilhomlantirib, o‘z kasbini va o‘zligini yana-da chuqurroq anglashga undaydi.
Milliy qadriyatlarni asrash — bu kelajak uchun eng katta boylikdir!
