"Jamoat nazorati" telegram kanalida joylashtirilgan post yuzasidan Rasmiy munosabat

“Jamoat nazorati” tеlеgram kanalida 7 oktabr kuni ertalab, “O‘zmilliybank” AJ Rishton BXM oldidagi bankomatlarda pul yo‘qligi haqida post joylashtirilgan.

Shu post yuzasidan, quyidagilarni ma’lum qilamiz.

Dam olish kunlari bankomatlar uzluksiz ishlagani va puli kam qolganligi sababli, dushanba kuni ertalabda bankomatlarni pul bilan to‘ldirish uchun kassetalari olinib, bank kassasida qayta sanash va uni to‘ldirish jarayonida bo‘lgan. Bu vaqtda bankomatlar pulsiz holatda bo‘lgan. 

Shu vaqt oralig‘ida tеlеgram kanalda post joylashtirilgan. Soat 10:04da barcha bankomatlar to‘liq pul bilan ta‘minlangan va hozirda ish faoliyatida.