Kuch ishonchda

Background
Avto to‘lov
Bo‘sh vaqtingizdan zavqlaning!
Batafsil
Background
Ta'lim krediti
Kunduzgi, kechki, sirtqi ta'lim shakllari uchun kredit
Batafsil
1344
+998 78 148 00 10 Aloqa markazi:
Ish vaqti soat 9:00 dan 21:00 gacha
NBU ijtimoiy tarmoqlarda:

“O‘zmilliybank” AJ va Fransiyaning Société Générale banki 50 million yevrolik kelishuvga erishdi

22.11.2022 109



Shu yilning 18 noyabr kuni, O‘zbekiston Respublikasi Prezidentining rasmiy tashrifi arafasida,«MEDEF International» Fransiya tadbirkorlari harakatining Parij shahridagi qarorgohida ikki mamlakat ishbilarmon doiralari ishtirokida O‘zbekiston-Fransiya biznes-forumi bo‘lib o‘tdi.

Biznes-forumda Fransiya va O‘zbekistonning qishloq xo‘jaligi, aviasiya sanoati, temir yo‘l transporti, logistika va kommunikasiyalar, energetika, tog‘-kon sanoati, servis va konsalting, qurilish kabi sohalardagi yetakchi kompaniyalari, bank va moliya institutlari rahbarlari ishtirok etdi.

O‘zbekiston-Fransiya biznes-forumining muhim voqealaridan biri - “O‘zbekiston Respublikasi Tashqi iqtisodiy faoliyat milliy banki” AJ va Fransiyaning Société Générale S.A. moliyaviy konglomerati o‘rtasida 50 million yevro miqdorida kredit liniyasini jalb etishni nazarda tutuvchi hamkorlik shartnomasining imzolanish marosimi bo‘ldi.

Shartnoma ikki bank o‘rtasidagi hamkorlikni rivojlantirish imkonini beradi:

1. Loyiha va savdoni moliyalashtirish sohasidagi hamkorlik ikki mamlakat o‘rtasidagi savdo-iqtisodiy munosabatlarni rivojlantirish, shu jumladan, texnologik asbob-uskunalar, xomashyo yetkazib berish, shuningdek, keyinchalik yuqori qo‘shimcha qiymatga ega mahalliy ishlab chiqaruvchilar mahsulotlarni ishlab chiqarish uchun Fransiyadan xizmatlar ko‘rsatishni ko‘paytirish; 

2. G‘aznachilik operatsiyalari sohasida, shu jumladan, xalqaro kapital bozorlaridagi mahsulotlar va valyutaviy SVOP, forvard, optsion kabi hosilaviy moliyaviy vositalar; 

3. Ikki mamlakat o‘rtasida uzoq muddatli o‘zaro manfaatli sheriklikni rivojlantirish va bank sektorini o‘zgartirish bo‘yicha O‘zbekiston hukumati tomonidan ilgari surilgan bank faoliyatining boshqa sohalaridagi islohotlarni amalga oshirish: 

4. Bank xodimlarining malakasini oshirish maqsadida tajriba almashish qo‘shma tadbirlarni o‘tkazish: 

Yuqoridagi muzokaralar  doirasida tomonlar Fransiyada ishlab chiqariladigan ATR 72-600 rusumli samolyotlarni yetkazib berishni nazarda tutuvchi transport sohasida loyihani moliyalashtirish bo‘yicha kelishuvga erishildi.

Loyiha O‘zbekiston Respublikasi Prezidentining 2022yil 26 oktabrdagi “Respublikada mahalliy aviaqatnovlarni rivojlantirishga oid qo‘shimcha chora-tadbirlar to‘g‘risida”gi PQ-412-son qaroriga muvofiq amalga oshirilmoqda. Ushbu loyiha O‘zbekiston ichida mintaqaviy yo‘lovchi tashish hajmini kengaytirish imkonini beradi, ichki turizm va mintaqaviy havo qatnovini rivojlantirish uchun qulay sharoitlar yaratishga xizmat qiladi.

Ta'kidlash joiz-ki, “O‘zmilliybank” AJ va Société Générale S.A. o‘rtasida, 2003 yildan boshlab, uzoq muddatli strategik hamkorlik yo‘lga qo‘yilgan bo‘lib, 20 yillik davr mobaynida tomonlar o‘rtasida 700 mln. AQSh dollari miqdorida 9 ta loyiha amalga oshirilgan. Bu esa, o‘z navbatida,  mamlakatning barcha hududlarida ko‘p sonli yangi ishchi o‘rinlarini yaratish imkonini berdi. Vakillik aloqalari sohasida yaqin hamkorlik yo‘lga qo‘yilgan bo‘lib, bu Fransiya va O‘zbekiston o‘rtasida hisob-kitob biznesini rivojlantirish va xalqaro to‘lovlarga xizmat ko‘rsatish imkonini bermoqda.

Ma'lumot o‘rnida: Société Générale S.A. Yevropadagi eng yirik frantsuz moliyaviy konglomeratlaridan biri bo‘lib, u BNP Paribas, Crédit Agricole va Groupe BPCE bilan birgalikda fransuz bank bozorining "katta to‘rtligini" tashkil qiladi. Bank 1864 yil 4 mayda bir guruh sanoatchilar va moliyachilar tomonidan Société Générale pour favoriser le développement du commerce et de l’industrie en France (Fransiyada savdo va sanoatni rivojlantirish bo‘yicha umumiy jamiyat) nomi bilan tashkil etilgan.

Société Générale S.A. ning asosiy faoliyati chakana bank, moliyaviy xizmatlar, sug‘urta, global bank va investisiyalar. Société Générale S.A. kapitali 73,7 mlrd. AQSh dollarini, aktivlari esa 1,6 trln. AQSh dollarini tashkil etadi. S&P (A), Fitch (A) va Moody’s (A1)tomonidan reytinglarga ega.

1
0



Shuningdek o'qing

Barcha yangiliklar

So'nggi yangiliklardan xabardor bo'ling

Haftasiga bir marta xabar yuboramiz va hech qanday spamlarsiz

Oxirgi yangilanish sanasi: 08.12.2022 10:41:15

O'zbekiston Respublikasi Markaziy bankining 25.12.2021 yildagi 22-sonli litsenziyasi.
© 2022 NBU. Barcha huquqlar himoyalangan.

Turli tillarda taqdim etilgan ma'lumotlarda nomuvofiqlik aniqlangan taqdirda, davlat tilidagi variantga amal qilish kerak. Saytdagi ma’lumotlardan foydalanilganda www.nbu.uz veb-saytiga havola qilish majburiy

Aloqa markazi

Aloqa ma'lumotlari

Elektron murojaatlarning ish tartibi
dushanbadan jumagacha soat 09:00 dan soat 18:00 gacha

101 Amir Temur shoh ko‘chasi, Toshkent 100084

Sizning xabaringiz muvaffaqiyatli yuborildi

Mutaxassisimiz sizga ish kuni davomida javob beradi. COVID-19 pandemiyasi davrida so’rovlarning ko’pligi sababli murojaatlarga javob berilishida kechikish holatlari vujudga kelishi mumkin.

Xizmat sifatini yaxshilashda ishtirok eting
Iltimos, 3 ta savolga javob bering
So'rovnomaga o'tish