The power of trust

Background
Auto Payment
Enjoy your free time!
More details
Background
Milliy Deposits
Explore more profitable deposits!
More details
Accessibility
View:
Font size:
1344
+998 78 148 00 10 Call Centre:
Operating hours from 9 AM to 9 PM
NBU in social networks:

Kichik biznes subyektlarining eksport salohiyati oshmoqda

24.06.2014 3726

     Prezidentimiz Islom Karimov rahnamoligida sanoatni modernizatsiya va diversifikatsiya qilish, kichik biznes va xususiy tadbirkorlikni rivojlantirish, eksportni qo‘llab-quvvatlash borasida izchil amalga oshirilayotgan ishlar samarasida mamlakatimizning eksport salohiyati yuksalib bormoqda.
     Davlatimiz rahbari tashabbusi bilan O‘zbekiston Respublikasi Tashqi iqtisodiy faoliyat milliy banki huzurida tashkil etilgan Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi bu borada muhim o‘rin tutmoqda. Mazkur jamg‘arma direktori vazifasini bajaruvchi Jahongir MUSTAFOYeV O‘zA muxbiriga mamlakatimiz korxonalarini eksport faoliyatiga jalb etish, ularning mahsulotlarini tashqi bozorlarga yo‘naltirish borasida amalga oshirilayotgan ishlar, xorijiy mamlakatlar ishbilarmonlari bilan aloqalar haqida so‘zlab berdi.
     – Mamlakatimizda raqobatbardosh mahsulot ishlab chiqarish hajmi va korxonalarning eksport salohiyati yildan-yilga oshmoqda. Davlatimiz rahbarining 2013-yil 8-avgustda qabul qilingan “Kichik biznes va xususiy tadbirkorlik subyektlari eksportini qo‘llab-quvvatlash borasidagi qo‘shimcha chora-tadbirlar to‘g‘risida”gi qarori asosida tashkil etilgan jamg‘armamiz tadbirkorlik subyektlarining o‘z mahsulotini tashqi bozorga chiqarishida yaqindan ko‘maklashmoqda. Bu jahon andozalariga mos mahsulot ishlab chiqarishni rag‘batlantirish, yangi ish o‘rinlari yaratishga xizmat qilayotir.
     Joriy yilda sifat menejmenti tizimlarini (SMT) joriy etish maqsadida “O‘zstandart” agentligi bilan hamkorlikda hududlardagi bir qator korxonalar faoliyatini o‘rganib chiqdik. Ayni paytda ellikdan ziyod korxonada jamg‘armamiz moliyaviy ko‘magida xalqaro standartlarga asosan SMTni bosqichma-bosqich joriy etish ishlari olib borilmoqda.
     Jamg‘armamiz va uning hududiy filiallari 2019-yilning 1-yanvariga qadar yagona ijtimoiy to‘lovdan boshqa barcha turdagi soliqlar, yig‘imlar, boj hamda davlat maqsadli jamg‘armalariga ajratmalar to‘lashdan ozod qilingan. Kichik biznes va xususiy tadbirkorlik subyektlari tovarlar va xizmatlarni oldindan haqini to‘lamasdan, akkreditiv ochmasdan xorijiy valyutaga eksport qilish huquqiga ega. Bularning barchasi tadbirkorlarimiz muvaffaqiyatli faoliyatining muhim omili bo‘lmoqda.
     Joriy yilning yanvar-may oylarida jamg‘arma tomonidan jami 570 ta tadbirkorlik subyektlariga qurilish, to‘qimachilik, kimyo, oziq-ovqat sanoati va qishloq xo‘jaligi mahsulotlari, shuningdek, sayyohlik, transport, marketing, konsalting xizmatlarini xorijga eksport qilishda amaliy yordam ko‘rsatildi. Natijada umumiy qiymati 379 million AQSh dollariga teng tovar va xizmatlar eksport qilishga erishildi.
     Tashkilotimiz ko‘magida yurtimiz ishlab chiqaruvchilari mamlakatimiz va chet ellarda o‘tkazilayotgan yirik xalqaro ko‘rgazma-yarmarkalar, biznes-forum va kooperatsion birjalarda ishtirok etib, mahsulotlari eksportining jo‘g‘rofiyasini kengaytirish, xaridorlar topish va shartnomalar tuzishga muvaffaq bo‘lmoqda.
     Koreya Respublikasi Prezidenti Pak Kin Xening mamlakatimizga davlat tashrifi doirasida bo‘lib o‘tgan O‘zbekiston va Janubiy Koreya ishbilarmonlarining biznes-forumi va kooperatsion birjasida jamg‘armamiz faol ishtirok etdi.
     Mazkur tadbirlar Janubiy koreyalik ishbilarmonlar bilan hamkorlikda savdo, moliya, energetika, neft-gaz, kimyo, elektrotexnika, mashinasozlik, transport va logistika, avtomobil va temir yo‘llar qurish, metallurgiya, geologiya va kommunal xo‘jalik, axborot-kommunikatsiya texnologiyalari, ta’lim, sog‘liqni saqlash, farmatsevtika, oziq-ovqat sanoati, yengil sanoat, tibbiyot texnologiyalari va asbob-uskunalari, qurilish materiallari ishlab chiqarish kabi ko‘plab yo‘nalishlar bo‘yicha hamkorlik o‘rnatish va mavjud aloqalarni yanada mustahkamlash masalalarini atroflicha muhokama qilish imkonini berdi.
     Kooperatsion birja doirasida Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasi      Koreya Respublikasi xalqaro savdo uyushmasi, Importchilar hamda Ishbilarmon ayollar uyushmalari, shuningdek, “Shingdong Enercom”, “Bow Industrial”, “Bell Metal”, “K-Won Electronics” kabi yirik kompaniyalar bilan savdo-iqtisodiy hamkorlikni yanada mustahkamlash masalalarini atroflicha muhokama qildi. Uchrashuvlarda o‘zbekistonlik ishbilarmonlarning xalqaro ko‘rgazma, yarmarka va tender savdolarida ishtiroki, mamlakatimizda ishlab chiqarilayotgan mahsulotlarga potensial xaridorlar topish, shuningdek, O‘zbekiston iqtisodiyotiga sarmoya jalb etishga oid hamkorlikni mustahkamlashga kelishib oldik. Jamg‘armamiz bilan Koreya Respublikasi importchilar uyushmasi o‘rtasida o‘zaro anglashuv memorandumi imzolandi.
     Biznes-forum va kooperatsion birja doirasida jamg‘arma bilan Koreya Respublikasining “Viva International”, “Korea Thum Vet”, “Kimaz Korea”, “Kijing Hong” kabi kompaniyalari o‘rtasida 33,3 million AQSh dollariga teng bo‘lgan eksport va sarmoya kiritishga oid bitimlar imzolandi. Hujjatlar O‘zbekistondan Janubiy Koreyaga oziq-ovqat, to‘qimachilik, kimyo sanoati va qishloq xo‘jaligi mahsulotlarini eksport qilishni nazarda tutadi.
     Kichik biznes va xususiy tadbirkorlik subyektlarining eksportini qo‘llab-quvvatlash jamg‘armasining bunday tadbirlardagi faol ishtiroki o‘zaro manfaatli va serqirra xalqaro savdo-iqtisodiy, sarmoyaviy hamkorlikni yanada rivojlantirish va mustahkamlashga, xususiy sektorning tashqi bozordagi faoliyatini kengaytirishga, mamlakatimiz eksport salohiyatini yanada yuksaltirishga xizmat qiladi.

O‘zA,  24.06.2014

1
0



Receive the Latest News

We will send one email a week, no spam

Latest site update date: 03/29/2024 04:48:51 am

License of the Central Bank of the Republic of Uzbekistan No. 22 dated Dec. 25, 2022
© 2024 NBU. All rights reserved. If you find an error in the text, highlight the wrong text and press Ctrl + Enter

Яндекс.Метрика

If you find a discrepancy in the information provided in different languages, please follow the option in the state language. When using the site materials reference to www.nbu.uz web-site is required

Technical support NBU

online

Message sent!

Please wait for a response to
your email address

Helpdesk NBU


I am your virtual assistant.
Loading...

Helpdesk NBU


Choose a needed theme

Your message has been sent successfully

Our specialist will answer you within a working day. Due to the high number of requests during the COVID-19 pandemic, there may be some delays in responding to requests.

Take part in improving the quality of service
Please answer 3 questions
Go to quiz